Outono cultural

¿Quen dixo que a actividade musical se centra no verán? Estos pasados meses estiveron cargados de traballo e moita acción para Mada Producións.

No pasado mes de setembro visitamos o Mercat de Música Viva de Vic onde ademáis de desfrutar de varios días de feira e concertos, tamén fomos convidados a realizar un showcase co grupo Sumrrá.

Posteriormente a primeiros de Outubro continuamos viaxando. Nesta ocasión co Método Cardiofónico, con quen realizamos unha intensa xira que nos levou a Islas Mauricio e China. No primeiro país participamos no The Bridge Tamarin Eco-Arts Festival, e no segundo caso no Shanghai World Music Festival. Tamén no país asiático fomos convidados a realizar un concerto no Instituto Cervantes de Pekín.

Case sen tempo de descansar, seguidamente asistimos tamén á Fira Mediterrania de Manresa. Unha semana intensa, cargada de traballo, fermosísimos e interesantes descubrimentos musicais, e de novo o convite a realizar un showcase, neste caso co Método Cardiofónico.

Pero non rematou ahí o mes. Pechamos a xornada de outono coa viaxe a Budapest, onde puidemos desfrutar e tamén por suposto, traballar e vender aos nosos grupos, na feira internacional do WOMEX.

Dende logo un mes e medio moi intensos, pero que repetiríamos sen dubidalo.

Agora toca actualizar o traballo, poñernos ao día, e comezar xa coas campañas do 2016. En breve vos traeremos máis información, pero xa podemos asegurar que haberá novidades interesantes…..

¿E que mellor forma de retomar a actividade na nosa web que cun pouco de boa música? Deixámosvos aquí unha exquisita sesión que o Dr. Batonga creou para Radio Gladys Palmera. Nela fai unha seleccións dos artistas que pasaron polos festivais de “La Mar de Músicas” e “Etnosur”, e agradecemos que entre os participantes deste último contase con nós, incluíndo un tema do “Método Cardiofónico”. Grazas Dr. Batonga!!

Captura de pantalla 2015-11-07 a la(s) 15.22.28

Música nos Tilos 2015

Un ano máis, o Concello de Teo aposta por seguir levando á súa Mediateca dos Tilos algunhas das propostas musicais de máis calidade do panorama actual galego.

Coma sempre, achegamos unha mostra ben variada, tocando estilos como o jazz, música tradicional, fusión….

Xacobe Martínez Antelo Trío, Caxade e Oh Trío pasarán este mes de xuño pola Mediateca de Os Tilos.

A entrada coma sempre é gratuíta, aínda que o Concello de Teo agradece aos asistentes que doen algún producto non perecedeiro para o banco de alimentos do Concello.

carteltilos2015

Mancuso & Díaz no Pazo do Faramello

O vindeiro sábado 30 inauguramos a programación de verán deste 2015 no Pazo do Faramello, e facémolo da mellor forma posible: unha combinación perfecta de natureza, música e gastronomía.

Os músicos e irmáns italianos Mancuso e Germán Díaz estarán presentando o que será o seu próximo traballo discográfico, e completarase a xornada coa visita guiada ao Pazo e tamén cunha deliciosa cea a base de platos típicos de Sicilia.

Contamos ademáis neste evento coa grandísima colaboración das Bodegas Martín Códax, que nos ofrecerán o seu mellor Albariño para regar estes platos, e tamén das imprentas Grafideza, que nos axudan coa promoción e difusión dos eventos. Ambas empresas estarán tamén acompañándonos durante todo o mes de xuño, polo que lle estamos doblemente agradecidos.

As entradas para esta xornada do día 30 están voando. Non esquezades reservar a vósa a través do 690.195.217 ou do correo electrónico inesportela@madapro.es

cartel taller

Mancuso & Díaz

O incansable músico Germán Díaz tráenos neste mes de maio unha nova proposta musical.

Trátase do novo traballo que está realizando cos músicos sicilianos irmáns Mancuso. Os Mancuso son uns dos músicos máis recoñecidos do seu país, contando cunha traxectoria envidiable, polo que é un luxo para todos nós que visiten Galicia, sobre todo se veñen compartindo escenario con outro artista da talla de Germán Díaz.

Nesta ocasión estarán realizando unicamente tres presentacións onde non solo amosarán o repertorio do seu novo traballo en común, senón que tamén ofrecerán aos asistentes unha deliciosa cea a base dun menú típico siciliano.

Unha delicia para os sentidos. Para non perder.

Método Cardiofónico: xira polo norte peninsular

Esta semana o “Método Cardiofónico” de Germán Díaz estará xirando polo norte da península.

Catro concertos realizados en Navarra e Euskadi nos cales acompañado de David J. Herrington, se presentará este traballo que tanto éxito acadou na pasada edición do WOMEX.

Comezarán o xoves 14 na Asociación Ortzadar en Pamplona. O venres 15, xa en Gipuzkoa, será o turno de Pasai San Pedro, onde se presentarán da man da Casa de Galicia Fato Castelao. O sábado estarán en Oiartzun, realizando un concerto sobre zanfona na península ibérica no Herri Musikaren Txokoa, e poñerase fin a esta pequena xira na casa museo Igartubeiti.

Esta xira realízase co apoio da Xunta de Galicia a través da AGADIC, grazas ao programa de axudas para distribución exterior da música galega.

banner web

Irena Aranda graba disco en Compostela

A pianista andaluza Irene Aranda estará o vindeiro mes de abril en Galicia.
A artista escolleu Galicia para a gravación do seu novo disco “Tribus”, polo que o público galego seremos os afortunados que poderemos non só escoitar en primicia este traballo, senón ademáis, formar parte del.

Recoñecida como un dos novos valores máis sólidos da escena española do jazz, Irene acompañarase do zanfonista Germán Díaz e de Lucía Martínez á batería para a gravación deste novo traballo que se xestará no Teatro Principal de Santiago de Compostela o vindeiro 23 de abril ás 21h.

Tres músicos. Tres personalidades diferentes. Tres sons que se xuntan e potencian para descubrirse a si mesmos redescubrindo o concepto de trío.

As entradas xa se poden adquirir na propia taquilla do Teatro, na tenda Merlín e Familia (Rúa Xelmirez 14, Compostela) ou a través do apartado de “Tenda” deste web.

Cartel_Irene_Aranda

II Certame de Canción de Autor en Galego do Concello de Teo

Este pasado xoves presentamos en rolda de prensa a segunda edición do Certame de Canción de Autor en Galego do Concello de Teo.

Dende ese día 29 de marzo está aberto o prazo de inscrición para participar, e as bases poden consultarse neste link http://teo.gal/eadministracion/convocatoria.php?id=323&lg=gal

Poderán participar todas aquelas autoras/autores maiores de 15 anos que compoñan e interpreten temas musicais vocais, inéditos e orixinais en lingua galega. Os participantes non terán ningún disco editado profesionalmente. Tampouco contarán con ningún contrato asinado cun selo discográfico a nivel individual.

Admítense todos os estilos musicais.

Encántanos poder realizar un ano máis este Certame, pois é un sinal de que efectivamente hai interese en crear e compoñer en galego.

10685501_10204820979397920_3860954601972189806_n

Xira galega presentación de disco de Oh Trío

O 30 deste mes teremos a Oh Trío por Galicia presentando o seu disco “Cancionero Gallego”. Con este traballo ofrécennos unha homenaxe ao “Cancionero Gallego” de Torner e Bal y Gay, facendo unha revisión de varios dos temas que se poden encontrar neste cancioneiro. Entre os centenares de melodías que inclúe esta obra, Oh Trío proponnos a recreación de once melodías dende o prisma do jazz e da improvisación.

Comezarán a xira o 30 de xaneiro cun concerto no Teatro de Ribadeo para continuar ao día seguinte en Allariz, na Fundación Vicente Risco, e posteriormente o domingo 1 de febreiro na Sala Garufa da Coruña. Nesta fin de semana ademáis destes concertos realizarán tamén dúas sesión matinais, a primeira o sábado 31 no Museo Provincial de Lugo e o domingo, nun espazo realmente único como é o Obradoiro de Campás Ocampo en Caldas de Reis. Ambas sesións ás 13h.

Non podían faltar as actividades didácticas, por eso o luns 2 continuarán cun concerto didáctico para os alumnos do IES Santiago Basanta de Vilalba.
Pecharán a xira realizando un concerto na capital galega o día martes 3 no CGAC (Centro Galego de Arte Contemporánea) dentro do ciclo Sons que programa o Concello de Compostela.

As entradas para os concertos na Fundación Vicente Risco e de Compostela xa se poden adquirir de forma anticipada. No primeiro caso pódense mercar na libraría Aira das Letras (Allariz) e para quen queira asistir ao concerto en Compostela pode mercalas na taquilla do Teatro Principal, na web www.madapro.es e na tenda Merlín e Familia (Rúa Xelmírez, 14). Para os demáis casos, as entradas adquiriranse na taquilla no mesmo día do concerto.Cartel oh trio def

Novos socios para o “Método Cardiofónico”

Comprácenos anunciar unha nova que está sendo máis que ben recibida por todos nós. Dende hoxe podemos anunciar o compromiso de colaboración que conseguimos para o “Método Cardiofónico” de Germán Díaz.

Trátase dun acordo polo cal a axencia californiana iCadenza será o axente deste proxecto en Estados Unidos e Canadá.

Dende a pasada participación no WOMEX que iniciamos as conversas con esta axencia, as sensacións foron inmellorables. E as conversas posteriores non fixeron máis que confirmar o interese común polo fermoso proxecto que é o “Método Cardiofónico”.

Realmente emocionados e entusiasmados por comezar a traballar cos compañeiros americanos.

Captura de pantalla 2015-01-20 a la(s) 21.48.31

Oh Trío presenta novo disco

Germán Díaz, Antonio Bravo e Diego García son Oh Trio. E estamos de noraboa todos os seus seguidores e amantes da boa música, pois neste 2015 tráennos o seu segundo disco: “Cancionero Gallego”, unha fermosa homenaxe ao “Cancionero Gallego” de Torner e Bal y Gay.

Tras un traballo de selección entre os centenares de melodías que ofrece esta obra, Oh Trío propónnos unha recreación de melodías galegas dende o prisma do jazz e da improvisación.

Poderemos velos dende o 29 de xaneiro presentando este traballo por diferentes vilas e cidades galegas (das cales informaremos en breve) pechando a xira en Santiago de Compostela, participando no Ciclo de Sons.

cartel OH TRIO